Dezabafu di um cabo-verdiano ki txiga a nós espaço Dexam sabi.

Olá Dexam Sabi. Mi é di Somada, nkre bem partilha es dilema ki nsa vivi, ki nka sabi kal ke Midjor decison kin ta toma.

Ntem um namora, dja nu ten 3anu djuntu, nta gostaba del, nu tinha um relason bunito, nka sabi kuze ki sa passa ku mi nes momento.

É ta amam y é sta grávida di nha fidju, só ki mi nka sa xinte mas amor pa el. Nsabi me tem Sonhu di tem um família, pa nu sta djuntu pa kria nos fidju. So ki mi nka tem kel mesmo sentimento pa el kin tinha antis, y nka sabi si nta volta a xinti isso. Será ki ndebi continua kol, só pamodi nu ta ben t'en um fidju y pa kel bébé tem um famia, ou ndebi flal kuze ki sa passa y separa kol? Keli ke nhas dilemas, um situason ki ta dexan indíciso.

Nhos Dan konsedju, pa odja si ta djudam toma midjor decison.