Nha julgamentu

Ka ten óra markadu

Ka ten lugar, ka ten juis

Nen akuzason pa N difende

Nha julgamentu e tudu óra

Nha julgamentu e tudu óra

Entri pezu di nha konxsiensia

Y mo sukundidu di sosiedadi

Senpri ta kre mostra-m

Di undi ki N ben y undi k’e nha lugar

Nha julgamentu e sforsa dos bes

Pa un rekunhesimentu

Pa nha bes, pa nha vos

Y pa lugar ki N ta sunha sta

Nha julgamentu e luta tudu santu dia

Pa supera filtru di sosiedadi

Sen óra, sen lugar markadu

Nen akuzason pa N difende

Pur ser fidju karpinteru y rabidanti

Ki nansi y kria na suburbiu di Praia